बढ्यो विश्वकै अग्लो शिखर सगरमाथा प्रवेश शुल्क
काठमाडौँ । खुम्बु पासाङल्हामु गाउँपालिका क्षेत्रमा प्रवेश गर्ने विदेशी पर्यटकका लागि शुल्क बढाइएको छ। गाउँपालिकाले विश्वकै अग्लो शिखर सगरमाथासमेत रहेको यो क्षेत्रमा विदेशी पर्यटकको शुल्क वृद्धि गरेको हो ।
गाउँपालिकाले ट्रेकिङ एजेन्सिज एसोसिएसन अफ नेपाल (टान) लाई पत्र लेखेर शुल्क वृद्धिको जानकारी पनि गराएको छ। वृद्धि भएको शुल्कअनुसार सार्क मुलुक र चीनबाट आउने पर्यटकले दुई हजार रुपैयाँ बुझाउनुपर्नेछ। त्यस्तै अन्य विदेशी नागरिकले तीन हजार रुपैयाँ शुल्क तिर्नुपर्ने भएको छ ।
...
